المشكلة بتنشا لما الجهاز بيبقي بطئ جدا او تقيل جدا في فتح الملفات او الفولدرات .. او في التحميل بصفة عامة سواء في فتح الجهاز او قفله
الحـــل
--------
مشكلة البطئ ليها اكتر من سبب .. و في اسباب متعلقة بالسوفت وير .. و اسباب متعلقة بالهارد وير
اولا : اسباب السوفت وير
--------------------------
اسباب السوفت وير بتكون بسبب ان مساحة بارتشن الويندوز ( السي ) المساحة الفاضية اللي فيه بقت قليلة او البرنامج اللي متسطبة كتيرة جدا .. او ان امكانيات الجهاز قليلة بالنسبة للبرامج اللي متسطبة على الجهاز
برنامج التيون اب بيحل معظم مشاكل السوفت وير .. بالاضافة الي انك تخلي بارتشن السي في مساحة فاضية كفاية .. و ما تخليش الدسك توب عليها حاجات كتير
و البرنامج موجود على البيدج في تابة - برامج الحماية و الانتي فيرس - قسم برامج الصيانة
و ممكن يكون السبب وجود فيروسات على الجهاز ..
و في الاخر خالص .. تغيير الويندوز بيكون حل نهائي لمشكلة البطئ - بالنسبة للسوفت وير -
ثانيا : اسباب الهارد وير
ممكن تكون الفانة - مروحة البروسيسور مش شغالة كويس .. و ده بنعرفه من عدد اللفات او من درجة الحرارة اللي موجودين فيPC Healthو اللي بنبجها من شاشة البلوز ست ابد بالضغط على زرار ديليت اثناء فتح الجهاز
ممكن يكون البروسيسور عايز كولار - و ده المبرد اللي بيتحط على البروسيسور - علشان يبرد البروسيسور من السخونة اللي بتحصل فيه
ممكن تكون الرامات جه عليها تراب و عايزة تتمسح
ممكن تكون السوكب بتاع الرام معلق والرام عايزه تتنقل في السوكت التاني
وممكن كابل داتا الهارد عايز يتغير
ولو الجهاز بيتقل لما تحط سي دي والسيديهايه سليمه يبقي يا اما كابل داتا السي دي روم او السي دي روم ذات نفسه
احنا كشغل صيانة .. بنشوف الاول مشاكل السوفت وير كلها .. و بعد كده بنشوف مشاكل الهارد وير .. و ده بسبب ان احتمال حدوث مشاكل السوفت وير اكتر
