اتخنقت من شكل ويندوز اكس بى .. و حبيت اجدد قولت انزل نسخة 7 واجربها واشوفها سمعت عنها انها خفيفه وسريعه وصحابى كانو حابينها و قالولى ان امكانيات جهازى عاليه وتقبل ال 7 قولت اجربها
روحت جايب اسطوانه 7 ونزلتها عادى ومافيش اى مشاكل وسطبتها عادى وكله تمام .. ولما جيت اخش على My computer .. لاقيت 3 برتشنات من اصل 4 وفى برتيشن اختفى !!
زعلت جداااا وافتكرت انو اتمسح وكرهت ويندوز 7 .. روحت جايب نسخه اكس بى ونزلتها وجيت اخش على My computer .. لاقيت البرتيشن الى افتكرتو اتمسح موجود !!
استغربت اوى روحت رجعت تانى ونزلت نسخه 7 وكونت فاكر ان البرتيشن هيرجع تانى .. لكن بردو ملاقتهوش .. روحت مسطب نسخه اكس بى تانى ...
اتخنقت اووووى فضلت ابحث وافحص وامحص لحد ماعرفت الحل .. و هو ان البرتيشن كان مختفى يظهر والطريقه هى :-
- فتح قايمه Start
-فتح قايمه run
- وبعدها نكتب cmd
- هيتفتح لنا شاشه سوده هنكتب فيها
diskpart وندوس انتر
- و بعد كده نكتب
List volume وندوس انتر
- وبعد كده هيظهر كل برتيشن وجمبه رقمه واسمه ..
هنشوف انهى برتيشن الى مختفى ولنفترض مثلاااا انو رقم 3
هنكتب select volume 3
طب لو رقم 4 يبقى
هنكتب select volume 4
وندوس انتر
وبعدها assign
وندوس انتر عملتها والبرتيشن رجع تانى بس عرفتها بعد عذاب ودى كانت اغرب مشكله وجهتى انها دلوقتي مافيش حاجه تقف قدامى :P
اللي حصلت ليه مشكلة غريبة يقولنا و يقول حلها ازاااي.
